Nepal: Hindu Adhirajya ko Itihas (Khanda 2)

सिल्भाँ लेभी पूर्वीय संस्कृति र इतिहासका ख्यातिप्राप्त फ्रान्सेली विद्वान् हुन् । उनी सबभन्दा पहिले सन् १८९८ मा नेपाल आएका थिए । उनको नेपाल बसाइको अवधि दुई महिना मात्र थियो, त्यो पनि काठमाडौं उपत्यकामा सीमित । बसाइ छोटो अवधिको भए पनि उनको अध्ययन र अनुसन्धान गहन थियो । त्यसैको परिणामस्वरूप सन् १९०५ मा यो विशद कृति तीन खण्डमा प्रकाशित भयो । इतिहास भनेको शासकहरूको वंशावली र स्तुति मात्र होइन भन्ने मान्यता राख्ने सिल्भाँ लेभीको यस कृतिलाई एक शताब्दी अघिको नेपालको सांस्कृतिक-राजनीतिक अवस्थाको विद्वतापूर्ण विश्लेषण मानिन्छ । सोझै फ्रान्सेली भाषाबाट नेपालीमा गरिएको प्रस्तुत अनुवाद त्यसै कृतिको दोस्रो खण्डको हो ।