Sataun Ritu

डा. ध्रुवचन्द्र गौतम नेपाली आख्यानसाहित्यका शिखर व्यक्तित्व हुन् । उनको नितनवीन प्रयोगशीलताबाट उनको आख्यानलेखन निसृत छ । एकपछि अर्को गरी लेखनमा निरन्तरता दिनु ठूलो कुरा मात्र नभई लेखनशक्तिको द्योतक पनि हो भन्ने मान्नैपर्ने हुन्छ। त्यसैअनुरूप उनको प्रस्तुत सातौँ ऋतु उपन्यासले नेपाली उपन्यासजगत्को इतिहासमा एउटा नवीन फड्को मार्नुका साथै नेपाली साहित्यक्षेत्रकै उन्नतिका मार्गमा एउटा नवीनतम आयाम थप्नेछ भन्ने मलाई पूर्ण विश्वास छ ।